30 Шілде 2011
Сәлеметсіздер ме? Біріншіден осы ҚР-дағы Жол полициясы қызметкерінің қызметтеріне тек жақсылық тілеймін! Сіздерден сұрайын дегенім, осы ҚР-да автокөліктің артқы және алдыңғы жанындағы (боковые) әйнектерін қараңғылауына болады ма? Осы терезені қараңғылау туралы маған толық мағлұмат берсеңіздер деп сұраймын.!
Жауап: Қазақстан Республикасының жол қозғалысы ережесіне сәйкес жүргiзушi отырған жерден көрудi шектейтiн, жол қозғалысына қатысушылардың жарақат алу қаупiн тудыратын қосымша заттар орнатылған жағдайларда көлік құралдарын пайдалануға тыйым салынады. Механикалық көлiк құралы кабинасының желқағар және алдыңғы бүйiрiндегi әйнектерiне жабу, оның iшiнде түрлi-түстi мөлдiр пленкалар жапсырылған. Ескертпе. Желқағар әйнегiнiң жоғары бөлiгiне - енi 140 мм-ден аспайтын, ал М3, №2, №3 санаттарындағы автокөлiк құралдарына енi желқағар әйнегiнiң жоғары шегi мен оның әйнек тазалағышпен тазалау аймағының жоғары шекарасы арасындағы ең аз аралықтан аспайтын түрлі-түсті мөлдiр пленка жолағын пайдалануға рұқсат етiледi. Автобустардың терезелерiне пердешелер, сондай-ақ жеңiл автомобильдердiң артқы әйнектерiне жалюздер және пердешелер қолдануға рұқсат етiледi.

27 Шілде 2011
Саламатсыздарма менім қоятын сұрағым Шымкент қаласында жазылған генеральный сенімхатпен Алматы қаласында тіркеуге қоя аламынба, себебі Шымкентте нотариустер генеральный сенімхатпен айдауға сенімхатты бір бланкіге толтырады, Алматыда екі бөлек бланкіге толтырады. Алматты қаласына тіркеуге алып барсам айдауға жеке сенімхат жаздырып кел дейді, Автакөлік иесі Шымкент қаласында болғандықтан киын болып түр.
Жауап: Көрсетілген сенімхат Алматы қаласының ІІД Жол полициясы басқармасында тіркеуге жатады.

28 Мамыр 2011
Саламатсыздар ма. Менің машинамның (УАЗ 452 1976 жылғы) қауіпсіздік белдігі жоқ ол шыққан кезде ол қарастырылмаған. Енді мені жол испекторы тоқтатып қауіпсіздік белдігім жоқ деп айыптауына болама?
Жауап: Жоқ, өйткені Қазақстан Республикасының Жол қозғалысы ережелер қосымшасының 7.10-тармағына сәйкес егер көлiк құралының конструкциясында бекiтiлуi көзделген қауiпсiздiк белбеулерiнiң болмаған жағдайында көлiк құралдарын пайдалануға тыйым салынады. Ал, Сіздің көлігіңіздің конструкциясында қауіпсіздік белбеулерінің бекітілуі көзделмеген.

11 Наурыз 2011
Техникалық байқау жеке меншікке өтеді делінген кәуөсек сөз букіл елді шарлап жүр. Осы жайында білгім келіп еді. Егер жеке шеншікке өткен жағдайда жеке кәсіпкерлер қандай құжаттар дайындап, қай ережеге сәйкес техникалық базасын құры керек? Рахмет
Жауап: Техникалық байқауды өткізу жеке кәсіпкерлік тұлғаларға берілуде. Жеке кәсіпкерлерге талаптар ҚР КжКМ әзірленуде. Осы осы мәселе бойынша Сізге Қазақстан Республикасы Көлік және коммуникация министрлігінің ресми сайтына хабарласуыңыз керек.